गत आर्थिक वर्षमा “उत्कृष्ट वित्तीय सेवा सहितको सहकारी बैंक” परिकल्पना लिई अघि बढेको भन्दै बैंकलाई सबल, सक्षम र प्रभावकारी बनाई सदस्यलाई दिने सेवामा कुनै कमी हुन नदिने कुरामा जोड दिनुभयो । अध्यक्ष उप्रेतीले संघहरुको प्रर्बद्धनको लागि रणनीति योजना तयार गरी एनसिविएल लघुवित्तको मोडल तयार गर्नुपर्ने कुरामा जोड दिनु भयो ।

कार्यक्रममा बैंकले आर्थिक वर्ष २०७९/०८० देखि २०८८/०८९ सम्मको लागि तय भई लागु भएको १० वर्षे रणनीतिक योजनामा छलफल र अन्तरक्रिया गर्दै आगामी ४ वर्षे व्यावसायिक योजना बनाउने छ । बैंकले गत आर्थिक वर्ष देखि सदस्यहरुको दीगो बिकासका लागि नवीनतम प्रविधिसहित प्रतिस्पर्धी एवम् गुणस्तरीय वित्तीय सेवा प्रवाह गर्ने, नेतृत्व एवम् व्यावसायिक जनशक्ति बिकास र परिचालन गरी जिम्मेवार व्यवसाय सञ्चालन मार्फत बैंक र सदस्यहरुमा संस्थागत सुशासन कायम गर्ने/गराउने र सहकारी क्षेत्रको व्यावसायिकता बिकासका लागी सम्बन्धित सरोकारवालाहरुसंगको समन्वयमा निरन्तर बहस पैरवी गर्ने ध्येय तय गरेको छ ।