भदौ ३१, ललितपुर एसियाली ऋण महासंघ (अक्कू) का प्रमुख कार्यकारी अधिकृत एलिनिता भि स्यानरोक्के सहितका अन्तर्राष्ट्रिय सहकारीकर्मीद्वारा राष्ट्रिय सहकारी बैंकको पुल्चोक स्थित केन्द्रीय कार्यालयको अवलोकन भ्रमण गर्नु भएको छ ।
आइतबार एक कार्यक्रमको बिच अक्कूकी प्रमुख कार्यकारी अधिकृत स्यानरोक्के, चिफ अफ टेक्निकल अफिसर रञ्जित हित्तराचीे सहित फिलिपिन्स र ताइवानका सहकारीकर्मी प्रतिनिधिहरूले अवलोकन भ्रमण गर्नु भएको छ ।
अवलोकन भ्रमणका प्रतिनिधिमण्डललाई राष्ट्रिय सहकारी बैंकका तर्फबाट अध्यक्ष के.बी. उप्रेती, प्रमुख कार्यकारी अधिकृत बद्रीकुमार गुरागाई, नायब प्रमुख कार्यकारी अधिकृत मनोज खड्का र नायब महाप्रबन्धक राजेश श्रेष्ठले स्वागत गर्नुभएको थियो ।
सो अबसरमा उहाँहरूलाई बैंकका प्रमुख कार्यकारी अधिकृत बद्रीकुमार गुरागाईले बैंकको परिचय, बैंकले सञ्चालन गरेको सेवा, बैंकको भावी योजना तथा उद्देश्य, सदस्य संस्थाहरुको परिचय, कार्यक्षेत्र जस्ता समग्र विषयमा जानकारी गराउनु भएको थियो । त्यसै गरी अक्कूकी प्रमुख कार्यकारी अधिकृत एलिनिता भि स्यानरोक्के नेपालको सहकारी क्षेत्रमा बैंकले निभाएको भूमिको प्रशंसा गर्नुभएको थियो ।
