ललितपुर । बागलुङ जिल्ला बचत तथा ऋण सहकारी संघ लिमिटेड को पाँच वर्षीय रणनीतिक व्यावसायिक योजना तर्जुमा गोष्ठी मंगलबार सम्पन्न भएको छ ।
जेठ २८ र २९ गते सञ्चालन भएको गोष्ठीमा संस्थाका पदाधिकारी, लेखा सुपरिवेक्षण समिति, सबै उपसमितिहरु र कर्मचारीको सहभागिता रहेको थियो । आगामी पाँच वर्षमा संघलाई कुन स्थानमा पु¥याउने र के कस्ता काम गर्ने भन्ने विषयमा छलफल भएको संस्थाका अध्यक्ष चण्डीप्रसाद शर्मा पौडेलले बताउनु भयो । उक्त रणनीतिक व्यवसायीक योजना कार्यान्वयन गर्न सम्पूर्ण सञ्चालक समिति उपसमिति र कर्मचारीहरूको अहम् भूमिका हुने उल्लेख गर्नुभयो ।
संघले आर्थिक वर्ष २०८५/०८६ सम्म वासलात ३५ करोड पु¥याउने लक्ष्य लिएको संघले जनाएको छ ।
राष्ट्रिय सहकारी बैंकको प्राविधिक सहयोगमा सञ्चालन भएको गोष्ठीमा संघका अध्यक्ष चण्डीप्रसाद शर्मा पौडेलको अध्यक्षता, उपाध्यक्ष गणेश बहादुर खत्रीको स्वागत तथा सचिव अर्जुन कँडेलको सञ्चालनमा सम्पन्न भएको थियो ।
रणनीतिक व्यावसायिक योजना निर्माणको सहजीकरण राष्ट्रिय सहकारी बैंकका तालिम अधिकृत बल्लभ तिमल्सिनाले गर्नुभएको थियो
