भाद्र १७, ललितपुर । राष्ट्रिय सहकारी बैंक लिमिटेड सुर्खेत शाखाले सञ्चालन एक दिवसीय धितो मूल्याङ्कन तथा असुली प्रक्रिया सम्बन्धी तालिम सम्पन्न गरेको छ ।
सोमबार वीरेन्द्रनगर–६, सुर्खेत स्थित एक होटेलमा सञ्चालित तालिममा त्यस क्षेत्रको विभिन्न सहकारी संस्थाहरूबाट ३७ जनाको सहभागिता रहेको थियो । तालिम समापन कार्यक्रममा केन्द्रीय बहुउद्देश्यीय सहकारी संघका सञ्चालक चन्द्र थानीको प्रमुख आतिथ्यता तथा बैंकको कर्णाली प्रदेशका प्रमुख हिरालाल सुनारको अध्यक्षतामा भएको थियो । तालिमलाई बैंकको लुम्बिनी प्रदेशका प्रमुख नारायण बेल्वासेले सहजीकरण गर्नुभएको थियो ।
तालिममा सहकारी संस्थाले सदस्यहरूलाई ऋण लगानी गर्दा अपनाउनु पर्ने विधिहरू, आवश्यक कागजातहरू, धितो मूल्याङ्कन, धितो जग्गाको अवस्था र नक्सामा कसरी जग्गाको क्षेत्रफल हेर्ने र जग्गाधनी पुर्जामा भएको क्षेत्रफलसँग भिडान गर्ने र सुरक्षित धितो, जमानत लगायत सम्भावित जोखिम कम गर्न सहयोग पु¥याउने उद्देश्यका साथ तालिम सञ्चालन गरिएको बैंकले जनाएको छ ।
सहभागीहरूले तालिमको प्रभावकारीताका विषयमा सकारात्मक सुझाव दिएका थिए । आगामी दिनमा पुनः यस प्रकारको तालिम सञ्चालन गर्ने शाखा प्रमुख सागरनाथ योगीले जानकारी दिनु भयो ।
